Song: Bhora Barixar (ভৰা বাৰিষাৰ)
Singer: Bhupen Hazarika
 |
| Bhora Barixar Lyrics |
Bhora Barixar Lyrics:—
ভৰা বাৰিষাৰ বানে
খহাই নিলে গাঁও
পাৰতে উচুপি কান্দে
দুখীয়াৰ ছাও ৷
ভৰা বাৰিষাতে, ভৰা বাৰিষাতে ৷৷
বানপানীয়ে ঘৰৰ চালে
পানী কাটি নিয়ে
আহুধানৰ আলিটিৰ
ভেটা ভাঙি দিয়ে
ভৰা বাৰিষাতে, ভৰা বাৰিষাতে ৷৷
নাতি-পুতিক আঁকোৱালি
বুঢ়ীআয়ে কান্দে
অ’ হুদুটিয়ে গছে আগত
ভেটি মাটি খুন্দে ৷
ভৰা বাৰিষাতে, ভৰা বাৰিষাতে ৷৷
খেৰৰ পঁজাৰ চালকেখন
উটি উটি যায়
অ’ তাতে বহি চিলনীয়ে
কিবা নাম গায় ৷
ভৰা বাৰিষাতে, ভৰা বাৰিষাতে ৷৷
হেজাৰ হেজাৰ খেতিয়কৰ
পথাৰ বুৰি গ’ল
এ’ গাঁৱৰে কঠীয়াতলীৰ
সপোন ভাগি গ’ল ৷৷
ভৰা বাৰিষাতে, ভৰা বাৰিষাতে ৷৷
Leave a Reply