Song: Gupute Gupute (গুপুতে গুপুতে)
Singer: Bhupen Hazarika
 |
| Gupute Gupute Lyrics |
Gupute Gupute Bhupen Hazarika Lyrics:—-
গুপুতে গুপুতে কিমান খেলিম
আলিংগনৰ এই খেলা,
চতিয়াওঁ আহা আকাশে-বতাহে
দুয়োৰে ৰঙৰে মেলা,
গুপুতে গুপুতে কিমান খেলিম
আলিংগনৰ এই খেলা….
সমাজ আৰু সংস্কাৰক
দেখুৱাওঁ আহা প্ৰিয়া,
লুকাই নথৈ আমাৰ
দুখন সাগৰৰ দৰে হিয়া,
যৌৱনত জানো পাপ থাকে
প্ৰকাশ জানো বন্ধ থাকে
লহৰে জানো সাগৰক কৰে
কাহানিও অৱহেলা,
গুপুতে গুপুতে কিমান খেলিম
আলিংগনৰ এই খেলা….
তোমাৰ নয়ন যুৰি
তোমাৰ বুকুৰ পাপৰি,
প্ৰতি চাৱনি শুৱনি
প্ৰতি পৰশ লাৱনি,
বন্ধ ঘৰৰ খিৰিকি-দুৱাৰ
খোলা আজি প্ৰিয়া খোলা
নেলাগে আৰু দেখুৱাব আজি
শালীনতা-শৃংখলা,
মৰমত জানো নিয়ম থাকে
ধুমুহাৰ জানো পৰিধি থাকে
প্ৰভাতক জানো ঢাকিব পাৰি
পিন্ধাই লাজৰ মালা,
গুপুতে গুপুতে কিমান খেলিম
আলিংগনৰ এই খেলা….
Leave a Reply