Song: Ei Luit Kaberi (এই লুইত কাবেৰী)
Singer: Hemen Hazarika
 |
| Ei Luit Kaberi Lyrics |
Ei Luit Kaberi Lyrics:—
এই লুইত কাবেৰী সিন্ধু গংগা
বৈ যায় যায় বৈ
তাৰ লহৰে লহৰে, চহৰে নগৰে
কৈ যায় যায় কৈ ।
মই মিলি যাম এই দেশৰ ধূলিত
মিলি যাম মই সাৰুৱা মাটিত
মিলি যাম এই পাহাৰে ভৈয়ামে
সেউজী সেউজী সেউজী হৈ ।
এই মাটিতে মেলিলো নয়ন
মাটিতেই হওঁক শান্তি শয়ন
এই মাটিতেই মানৱী প্ৰেমৰ
বন্তিও জ্বলে পোহৰ হৈ ।
মই মিলি যাম নীল সাগৰে সাগৰে
মিলি যাম সৌ পথাৰে পথাৰে
উৰি ৰ’ম মই আকাশে বতাহে
ৰঙা গোলাপৰ সুবাস হৈ ।
মই আকৌ আহিম দেশৰ বাবে
আহিম আকৌ দহৰ বাবে
ন-সমাজৰ আঁচনি লৈ
পুনু মিলি যাম মই দেশৰ ধূলিত
মিলি যাম মই সাৰুৱা মাটিত
অনু পৰমাণু হৈ
এই লুইত কাবেৰী …
Leave a Reply